Biełaruskim dziudaistam dazvolili vystupać pad čyrvona-zialonym ściaham
Mižnarodnaja fiederacyja dziudo dapuściła biełaruskich spartsmienaŭ da ŭdziełu va ŭsich mižnarodnych spabornictvach pad dziaržaŭnaj simvolikaj, paviedamlaje Nacyjanalny alimpijski kamitet.
Zdymak ilustracyjny. Fota: freepik.com
Pa rašeńni vykanaŭčaha kamiteta Mižnarodnaj fiederacyi dziudo atlety ź Biełarusi zmohuć vystupać na turnirach pad dziaržaŭnym ściaham z hierbam i himnam z 1 červienia 2025 hoda.
Najližejšymi spabornictvami, na jakich biełaruskija dziudaisty zmohuć vystupić z nacyjanalnaj simvolikaj, stanie čempijanat śvietu ŭ Budapiešcie. Jon projdzie z 13 pa 20 červienia.
U vieraśni 2022 hoda vykankam Mižnarodnaj fiederacyi dziudo adchiliŭ biełaruskich i rasijskich spartoŭcaŭ ad vystupleńniaŭ na mižnarodnych spabornictvach. U krasaviku 2023-ha biełarusaŭ i rasijan dapuścili da spabornictvaŭ, ale pad ehidaj arhanizacyi ŭ jakaści indyvidualnych niejtralnych atletaŭ.
Čytajcie taksama:
Biełaruskim kańkabiežcam i fihurystam dazvolili adbiracca na Alimpijadu-2026
Biełaruskim fiechtavalščykam dazvolili vystupać na mižnarodnych spabornictvach