U Minsku aśviacili i adkryli pieršy ŭ Biełarusi chram Armianskaj Apostalskaj carkvy
U Biełaruś śpiecyjalna dla hetaha ŭpieršyniu prybyŭ Viarchoŭny patryjarch i katalikos usich armian Harehin II.
«Chram pabudavany z armianskaha vułkaničnaha kamienia tufu. Hety kamień śpiecyjalna pryviezieny z Armienii. Unutranaje azdableńnie taksama z armianskaha kamienia — traviercinu. Heta zaŭsiody budzie nahadvać nam čaścinku Radzimy», — skazaŭ ijerej Sarkis, nastajaciel Chrama Śviatoha Hryhoryja, pieradaje BiełTA.
Słužby buduć pravodzicca kožnuju niadzielu, a ŭ budučyni, mahčyma, buduć hučać i štodzionnyja malitvy na staražytnaarmianskaj movie.
Dla adkryćcia i aśviatleńnia carkvy ŭ Biełaruś upieršyniu prybyŭ Viarchoŭny patryjarch i katalikos usich armian Harehin II. Na adkryćci taksama prysutničali kiraŭniki i pradstaŭniki viadučych relihijnych kanfiesij.
Upaŭnavažany pa spravach relihij i nacyjanalnaściej Alaksandr Rumak padkreśliŭ, što Biełaruś — šmatkanfiesijnaja kraina. U nas 25 kanfiesij i relihijnych abjadnańniaŭ.
Armianie pa kolkaści — šostaja nacyjanalnaść u krainie. Bolš za 9,5 tys. armian pražyvaje ŭ našaj respublicy», skazaŭ Rumak.
Budaŭnictva pieršaha i adzinaha chrama Armianskaj Apostalskaj carkvy ŭ Biełarusi pa prajekcie architektara Samvieła Makiana pačałosia ŭ žniŭni 2022 i zaviaršyłasia ŭ krasaviku 2025.