U Čavuskim rajonie bolš za paŭsotni karoŭ atrucilisia hniłym siłasam
U dačynieńni da kiraŭnika ahrapramysłovaha kompleksu ŭ Čavuskim rajonie raspačali kryminalnuju spravu paśla taho, jak jon rasparadziŭsia dać karovam sapsavany korm. Pra heta raskazali ŭ słužbie infarmacyi prakuratury Mahiloŭskaj vobłaści.
Fota: Hienieralnaja prakuratura
Padčas pravierki prakuratura vyśvietliła, što pieršapačatkova kiraŭnik daŭ ukazańnie rabotnikam zakłaści travianyja karmy ŭ burt, što zabaroniena. Adnačasova karmy zakładalisia ŭ siłasnuju tranšeju pobač z burtam, ale technałohii zakładki pry hetym nie vykonvalisia.
U vyniku bolš za 1400 ton kormu sapsavalisia. Načalnik vietstancyi vydaŭ pradpisańni z zabaronaj jaho vykarystoŭvać, Adnak kiraŭnik firmy praihnaravaŭ hetaje patrabavańnie.
U vyniku 57 karoŭ zahinuli ad chvarob stravavalnaha traktu, a paniesienyja straty skłali zvyš 146 tysiač rubloŭ.
Čytajcie taksama:
U Pietrykaŭskim rajonie ad udaru małanki zahinuła 71 karova, paciarpieŭ žyviołavod
«Užo tam karoŭ nie zastałosia!»: były načalnik Kačanavaj apłakvaje stan ekanomiki na Połaččynie
Masavaja hibiel žyvioły ŭ Mahiloŭskaj vobłaści. Prakuratura zaviała dziasiatki kryminalnych spraŭ