Čarhovy biełaruski trenier uznačaliŭ kiprski «Arys»
Najlepšy trenier Biełarusi-2022 Arciom Radźkoŭ aficyjna ŭznačaliŭ futbolny «Arys» ź Limasoła paśla sychodu inšaha biełarusa Alaksieja Špileŭskaha.
FK «Arys»
Arciom Radźkoŭ apošnim časam byŭ asistentam treniera ŭ «Dynama» Machačkale, a ŭ 2021-2022 hadach treniravaŭ «Isłač» i byŭ u 2022 hodzie pryznany najlepšym trenieram Biełarusi.
Biełarus Alaksiej Špileŭski treniravaŭ kiprski «Arys», kłub, jaki maje biełaruski śled, z 2022 hoda i pryvioŭ kamandu ŭ 2023 hodzie ŭpieršyniu da čempijonstva ŭ pieršynstvie Kipra.
Darečy, kłub u svaich sacsietkach, pryvitaŭ Radźkova pa-biełarusku: «Sardečna vitajem u «Arysie».
U siezonie 2024-2025 «Arys» finišavaŭ na 2-m miescy i budzie hulać u kvalifikacyi Lihi Jeŭropy, a ŭ rejtynhu UEFA siezona 2024/2025 čempijanat Kipru maje 13-y radok, tady jak Biełarusi — 42-i.
Čytajcie taksama:
Biełaruskaha treniera pryznali najlepšym u čempijanacie Kipra