Ministr abarony Hiermanii: Pucin prosta ciahnie čas, treba ŭzmacniać sankcyi
Ministr abarony Hiermanii Barys Pistoryus zajaviŭ, što Jeŭropie treba ŭzmacnić sankcyjny cisk na Rasiju, bo, na jaho dumku, Uładzimir Pucin ciahnie čas i nie imkniecca da sapraŭdnaha mirnaha pahadnieńnia, piša Euronews.
Barys Pistoryus. Fota: AP Photo/Virginia Mayo
Pavodle Barysa Pistoryusa, Pucin hatovy havaryć pra spynieńnie ahniu tolki na svaich umovach — takich jak admiena płanaŭ Ukrainy pa ŭstupleńni ŭ NATA i jaje admovu ad akupavanych terytoryj.
Ministr adznačyŭ, što za čas pieramoŭ Rasija praciahvała masiravanyja napady na ŭkrainskija rehijony, u tym liku bujnuju ataku dronami na Kijeŭskuju, Dnieprapiatroŭskuju i Danieckuju vobłaści.
U adkaz na heta Hiermanija padtrymlivaje ŭzmacnieńnie sankcyj suprać Rasii na ŭzroŭni Jeŭrasajuza.
Akramia taho, Pistoryus paviedamiŭ pra namier pavialičyć vydatki Hiermanii na abaronu da 5% VUP u najbližejšyja 5—7 hadoŭ — heta značnaje pavieličeńnie ŭ paraŭnańni ź ciapierašnimi prykładna 2%. Jon padkreśliŭ, što kraina nie zmoža vykanać svaje abaviazki pierad NATA, kali spynicca na ŭzroŭni 3% VUP.
Jahonyja słovy padtrymali novy ministr zamiežnych spraŭ Hiermanii Johan Vadeful i fiederalny kancler Frydrych Mierc. Apošni zajaviŭ pra płany zrabić z Bundeśviera najmacniejšuju armiju ŭ Jeŭropie i vykarystać pasłableńnie biudžetnych abmiežavańniaŭ dla finansavańnia hetych metaŭ.
Čytajcie taksama:
Jeŭrapiejskija lidary byli ahałomšanyja vynikami razmovy Pucina i Trampa — Axios
Pucin raskazaŭ Trampu pra terakty, nibyta praduchilenyja na Krasnaj płoščy
Tramp zajaviŭ, što hatovy adstupić ad pieramovaŭ pamiž Ukrainaj i RF, kali nie budzie prahresu
Zialenski paśla razmovy z Trampam: Vyvodzić našy vojski z našych terytoryj nichto nie budzie
Tramp pra vyniki razmovy z Pucinym: Pieramovy pamiž Rasijaj i Ukrainaj pačnucca nieadkładna