U Pinsku mužčyna pasvaryŭsia z žonkaj i ŭ złości paškodziŭ mašyny susiedziaŭ
Jak raskazali ŭ milicyi, niekatory čas tamu 30-hadovy pinčuk adpačyvaŭ sa znajomymi, spažyvajučy ałkahol. Paśla hetaha jon pasvaryŭsia z žonkaj, a dalej, pa jaho ŭłasnym pryznańni, usio było jak u tumanie.
Fota ilustracyjnaje
«Staŭ šturchać pryparkavanyja aŭtamabili, potym sieŭ na čužy matacykł, a skončyłasia tym, što paškodziŭ aŭtamabil «BMV-525», jaki naležyć 29-hadovamu miascovamu žycharu. Ahulnaja suma škody skłała dźvie tysiačy biełaruskich rubloŭ», — kanstatavali ŭ milicyi.
Ciapier suprać chulihana zaviali kryminalnuju spravu, maksimalnaje pakarańnie pa joj — da troch hadoŭ pazbaŭleńnia voli.