Ali Chamieniei papiaredziŭ ZŠA i zajaviŭ, što Iran nie admovicca ad uzbahačeńnia ŭranu
Miž ZŠA i Iranam narastaje napružanaść na fonie praciahłych, ale ŭsio mienš vynikovych pieramovaŭ pa iranskaj jadziernaj prahramie.
Viarchoŭny lidar ajatała Ali Chamieniei na fonie fota byłoha ajatały Chamiejni. Fota: Office of the Iranian Supreme Leader via AP
Viarchoŭny lidar Irana Ali Chamieniei rezka adreahavaŭ na patrabavańni ZŠA spynić uzbahačeńnie ŭranu, nazvaŭšy ich «vialikaj pamyłkaj», piša Bild.
«Im [amierykancam] varta pastaracca nie kazać hłupstvaŭ. Isłamskaja Respublika nie čakaje dazvołu ni ad koha», — dadaŭ jon.
Amierykanski śpiecpasłańnik Styŭ Uitkaf, pryznačany Donaldam Trampam, ahučyŭ u adkaz žorstkuju pazicyju Vašynhtona.
«My nie možam dapuścić navat adzin adsotak mahčymaściej pa ŭzbahačeńni», — skazaŭ jon.
Pavodle jaho słoŭ, ZŠA nastojvajuć na poŭnaj admovie ad jadziernaj prahramy jak umovie dla luboha pahadnieńnia.
Mižnarodnaje ahienctva pa atamnaj enierhii vykazvaje tryvohu: Iran — adzinaja kraina bieź jadziernaj zbroi, jakaja ŭzbahačaje ŭran da ŭzroŭniu 60%, što nabližajecca da ŭzroŭniu zbrojevaha (90%). Pavodle dadzienych ekśpiertaŭ, zapasy ŭzbahačanaha ŭranu ŭ Iranie ŭžo składajuć 275 kiłahramaŭ — tearetyčna hetaha dastatkova dla vytvorčaści niekalkich bajavych hałoŭ.
Na hetym fonie iranski bok adchiliŭ praciah pieramovaŭ u ciapierašnim farmacie. Adzin z udzielnikaŭ pieramovaŭ z boku Irana zajaviŭ, što «biez prava na ŭzbahačeńnie dla nas nie isnuje nijakaha pahadnieńnia».