Rasija kateharyčna suprać udziełu Vatykana ŭ mirnych pieramovach
Pucin naŭrad ci pajedzie ŭ Vatykan.
Papa Leŭ XIV. Fota: AP Photo / Andrew Medichini
Lidary ZŠA i Jeŭropy ŭskładajuć nadziei na Vatykan u spravie dałučeńnia Rasii i Ukrainy da mirnych pieramovaŭ paśla taho, jak prezident Donald Tramp zajaviŭ, što Papa Leŭ XIV vykazaŭ cikavaść da hetaj idei, i heta ž paćvierdziła premjer-ministr Italii Džordža Miełoni. Adnak Kreml nie zacikaŭleny ŭ tym, kab rasijski lidar Uładzimir Pucin adpraviŭsia ŭ Vatykan dla pieramovaŭ, piša Bloomberg.
Pavodle danych krynic vydańnia, rasijskija čynoŭniki nie płanujuć pajezdku Pucina ŭ Vatykan abo kudy-niebudź jašče dla pieramovaŭ, i zamiest hetaha jany zasiarodžvajucca na pieramovach techničnaha ŭzroŭniu, što pačalisia ŭ Stambule na minułym tydni. Pry hetym Kreml čakaje, što hetyja pieramovy adnoviacca taksama ŭ Stambule.
Adnak jeŭrapiejskija čynoŭniki śćviardžajuć, što zaraz abmiarkoŭvajecca rola Vatykana jak patencyjnaha haspadara abo pasiarednika na pieramovach. Pieramovy mohuć adbycca ŭžo na nastupnym tydni, chacia heta zaležyć ad hatoŭnaści Rasii pryniać u ich udzieł.
Čytajcie taksama:
Papa Leŭ XIV prapanavaŭ Vatykan u jakaści pieramoŭnaj placoŭki
Nastupny raŭnd pieramovaŭ pamiž Ukrainaj i Rasijaj projdzie ŭ siaredzinie červienia