Łukašenka: Prodažy kalijnych uhnajeńniaŭ viarnulisia na dasankcyjny ŭzrovień
Prodažy biełaruskich kalijnych uhnajeńniaŭ viarnulisia na ŭzrovień, jaki byŭ da ŭviadzieńnia sankcyj. Pra heta Łukašenka zajaviŭ 23 maja padčas vyjaznoha pasiadžeńnia pa pytańniach budaŭnictva i ŭvodu ŭ ekspłuatacyju horna-ŭzbahačalnaha kompleksu ŭ Lubanskim rajonie, piša BiełTA.
«Uviali sankcyi suprać kalijnych uhnajeńniaŭ — nu i što? Siońnia kiraŭnik Andrej Rybakoŭ (hienieralny dyrektar AAT «Biełaruśkalij») dakładvaje, što jany vyjšli na prodažy kalijnych uhnajeńniaŭ dasankcyjnaha pieryjadu. Niemahčyma sankcyjami strymlivać raźvićcio luboj krainy, navat nievialikaj. Niemahčyma», — padkreśliŭ Łukašenka.
Jon taksama adznačyŭ niepaśladoŭnaść zachodnich krain:
«Tyja, chto ŭvodzić sankcyi, kaliści — pamiatajecie — vystupali za hłabalizacyju. Za hłabalnyja suviazi i inšaje. Dyk usie krainy zaviazany ŭ hetuju hłabalizacyju, jak siońnia možna vyrvać niejkaje źviano z łancužka? Niemahčyma».
«Minieralnyja ŭhnajeńni buduć patrebnyja zaŭsiody. Tamu ŭ hetym napramku budziem dziejničać», — dadaŭ Łukašenka.