Apublikavanaja karta, dzie nielha kuryć u Minsku
Minskaja milicyja apublikavała kartu, na jakoj adznačany zabaronienyja dla kureńnia miescy. Što trapiła ŭ śpis zabarony?
U śpis zabaronienych miescaŭ trapili:
- plažnaja zona Kamsamolskaha voziera;
- plažnaja zona Cnianskaha vadaschovišča;
- park kultury i adpačynku imia Čaluskincaŭ;
- Centralny bataničny sad;
- centralny park imia Horkaha;
- park kultury i adpačynku imia 900-hodździa Minska;
- Minski zaapark;
- Łošycki siadzibna-parkavy kompleks;
- płošča Niezaležnaści z prylehłymi da jaje terytoryjami;
- park imia 60-hodździa Kastryčnika.
Nielha kuryć tam, dzie jość adpaviednaja šylda: u liftach i dapamožnych pamiaškańniach šmatkvaternych žyłych damoŭ i internataŭ. Taksama zabaroniena kuryć u aŭtamabilach, kali vy jedziecie ź dziećmi da 14 hadoŭ, na dziciačych placoŭkach, na terytoryi spartyŭna-azdaraŭlenčych i inšych łahieraŭ, ustanoŭ adukacyi.
U śpisie abmiežavańniaŭ taksama pracoŭnyja miescy ŭ pamiaškańniach, prypynki i stancyi hramadskaha transpartu (u t.ł. mietro), padziemnyja pierachody, handlovyja abjekty i rynki, abjekty hramadskaha charčavańnia, letnija placoŭki, plažy, arhanizacyi fizičnaj kultury i sportu, čyhunačnyja stancyi, vakzały i aeraporty. Vyklučeńnie — śpiecyjalna abstalavanyja miescy.
Artykuł 19.9 KaAP praduhledžvaje adkaznaść u vyhladzie štrafu da čatyroch bazavych vieličyń (168 rubloŭ) za kureńnie (u tym liku elektronnych sistem kureńnia) u zabaronienych miescach.
Kali dzicia va ŭzroście da 16 hadoŭ budzie kuryć u niedazvolenym miescy, jaho baćkoŭ (asob, što zamianiajuć baćkoŭ) mohuć pryciahnuć da administracyjnaj adkaznaści.