U Minadukacyi vykazalisia ab zabaronie smart-hadzińnikaŭ u škołach
U Ministerstvie adukacyi skazali ab zabaronie smart-hadzińnikaŭ i knopačnych telefonaŭ paśla zabarony na smartfony dla školnikaŭ na ŭrokach z 1 vieraśnia 2025 hoda, paviedamiŭ telekanał ANT.
Tak, pa słovach Iryny Karžovaj, namieśnicy načalnika Hałoŭnaha ŭpraŭleńnia ahulnaj siaredniaj i daškolnaj adukacyi Minadukacyi, ciapier u Biełarusi havorka idzie bolš ab zonach biez mabilnaha telefona ŭ škołach, čym ab kankretnym abmiežavańni, naprykład, smart-hadzińnikaŭ.
— Heta buduć zony biez mabilnaha telefona. I tam nie ahavorvajecca — knopačny telefon zabaraniajecca abo z vychadam u internet, — prakamientavała čynoŭnica.
Pry hetym pradstaŭnik Minadukacyi źviarnuła ŭvahu, što ŭ dziaciej, u jakich mabilnaja pryłada pavinna być pa miedycynskich pakazańniach, mabilnik zabirać nie buduć.