U Bierastavickim rajonie čatyrochhadovy chłopčyk zahareŭsia, kali baćka paliŭ śmiećcie

U Bierastavickim rajonie čatyrochhadovy chłopčyk atrymaŭ apioki. Jak paviedamlaje MNS, zdareńnie adbyłosia 25 maja. Źviestki pastupili z balnicy, kudy z ahraharadka Stary Dvarec dastavili dzicia 2021 hoda naradžeńnia.

Fota ilustracyjnaje

Incydent zdaryŭsia, kali chłopčyk znachodziŭsia ŭ dvary razam z baćkam. Mužčyna paliŭ śmiećcie, ale ŭ niejki momant połymia pierakinułasia na dzicia, z-za čaho na im zaharełasia adzieńnie.

Miedyki akazali chłopčyku pieršuju dapamohu, a paśla ahladu nakiravali jaho na ambułatornaje lačeńnie.

U MNS miarkujuć, što pryčyna pažaru — nieaściarožnaje abychodžańnie z ahniom.

Kamientary da artykuła