U Hrodnie 11-hadovaja dziaŭčynka atrymała traŭmy, hulajučy na budaŭničych plitach
Niaščasny vypadak adbyŭsia ŭ mikrarajonie Małachavičy, paviedamlaje miascovy telekanał.
11-hadovaja dziaŭčynka razam ź siabrami hulała na terytoryi, dzie znachodzilisia nie zamacavanyja bietonnyja plity. Padčas hulni dzicia paśliznułasia, u vyniku čaho jaje naha zatrymałasia pamiž plitami, a pry padzieńni jana ŭdaryłasia hałavoj.
Pieršapačatkova dziaŭčynka nie nadała značeńnia atrymanym traŭmam i paviedamiła pra zdareńnie baćkam, adnak paźniej darosłyja, uśviadomiŭšy surjoznaść mahčymych nastupstvaŭ, źviarnulisia pa miedycynskuju dapamohu. Paśla abśledavańnia dzicia źmiaścili ŭ reanimacyjnaje adździaleńnie. Zaraz žyćciu i zdaroŭju dziaŭčynki ničoha nie pahražaje.