Uvodziacca novyja praviły dla aŭtamabilnych parkovak
27 maja Alaksandr Łukašenka padpisaŭ ukaz, jaki ŭnosić źmieny va ŭkaz 2006 hoda ab arhanizacyi aŭtamabilnych stajanak i parkovak.
Fota ilustracyjnaja
Meta ŭkaza — źmienšyć transpartnuju i ekałahičnuju nahruzku na centry haradoŭ, a taksama pavysić efiektyŭnaść vykarystańnia parkovačnaj prastory i dyscyplinu apłaty siarod aŭtaŭładalnikaŭ.
Asnoŭnyja źmieny:
- udakładniajucca praviły arhanizacyi płatnych parkovak;
- ciapier nie abaviazkova abstaloŭvać płatnyja parkoŭki sistemami ŭliku času i apłaty, a taksama barjerami, jakija pieraškadžajuć vyjezdu biez apłaty;
- vyznačanyja katehoryi transpartnych srodkaŭ, jakija vyzvalajucca ad apłaty — siarod ich apieratyŭny transpart (miedycyna, milicyja, armija, MNS, pošta i inšyja);
- biaspłatnymi zastanucca parkovačnyja miescy kala rynkaŭ, handlovych i sacyjalna-kulturnych abjektaŭ.
Dakładny paradak pracy parkovak i praviły apłaty budzie vyznačać Saviet Ministraŭ. Novyja normy ŭstupiać u siłu praz try miesiacy paśla aficyjnaha apublikavańnia.
Čytajcie taksama:
Jak źmieniacca rajon Lebiadziny i zabudova pamiž čyhunkaj i vulicaj Majakoŭskaha