Vypuścili marožanaje sa smakam dranika
Navinku prezientavała kampanija «Fud Repablik» — vytvorca biełaruskaha marožanaha pad handlovaj markaj «Milk Republic».
Fota: Retail.ru
«My prateściravali sotni roznych spałučeńniaŭ i smakaŭ; U vyniku my pryjšli da vysnovy, što dranik moža być nie tolki asnoŭnaj stravaj, ale i cudoŭnym dadatkam da desiertu. Jaho chrumstkaja skarynačka, dalikatny smak maładoj bulby vydatna spałučajucca z prachałodaj i ŭmieranaj saładościu sapraŭdnaha viarškovaha marožanaha. Kožnamu z našaj kamandy smak sapraŭdnaha dranika znajomy ź dziacinstva ŭ spałučeńni sa śmiatanaj. My padumali: a čamu b nie spałučyć jaho z sapraŭdnym viarškovym marožanym», — kaža dyrektar kampanii U. Baryšeŭski.
Marožanaje vyrablena na asnovie naturalnych viarškoŭ, nazyvajecca jano pa-biełarusku — «śmietankovaje», jašče adna adsyłka da kłasičnaha spałučeńnia — «dranik i śmiatana».
«My płanujem pastavić jaje ŭ pieršuju čarhu ŭ tyja rehijony, dzie my tolki zachodzim na rynak. Kali spažyŭcy dobra sustrenuć navinku, my budziem vyrablać marožanaje z dranikam na pastajannaj asnovie», — kaža U. Baryčeŭski.