Što ŭjaŭlaje saboj baza danych, jakuju siłaviki nazyvajuć «uzłomam «Novaj Biełarusi»
Siłaviki zajavili, što identyfikavali kala tysiačy karystalnikaŭ prahramy «Novaja Biełaruś». Raniej jany śćviardžali pra źliŭ danych z prajekta. Ale što saboj nasamreč ujaŭlaje taja baza, jakaja vydajecca za źliŭ?
Skrynšot z sajta prahramy «Novaja Biełaruś»
My praanalizavali skrynšoty, jakija niekali vykładali na chakierskim forumie i sprabavali pradać za niekalki tysiač dalaraŭ. Ciapier dziaržaŭnyja miedyja, hubazikaŭcy i błohier Siarhiej Piatruchin vydajuć ich za źliŭ z prahramy «Novaja Biełaruś».
Skrynšoty z toj bazy
Nasamreč heta całkam adkrytyja źviestki z servisu bymapka.me — katałoha biełaruskich emihracyjnych biznesaŭ.
Heta infarmacyja była sabranaja prahramnym mietadam i dapoŭnienaja źviestkami z adkrytych rejestraŭ.
Skrynšoty z toj bazy
Pavieł Libier paćvierdziŭ, što heta źviestki mienavita z bymapka.me, jakuju jak servis vykarystoŭvaje «Novaja Biełaruś».
Niama nijakich dokazaŭ taho, što kudyści ŭciakła baza tych, chto rehistravaŭsia ŭ «Novaj Biełarusi» mienavita jak karystalnik.
Da taho ž, «Novaja Biełaruś» źbiraje z karystalnikaŭ zusim inšyja źviestki — tolki elektronnyja adrasy.