Adbyŭsia vybuch na sierbskim vajskovym zavodzie, jaki pierad tym zhadvała rasijskaja raźviedka

30 maja ranicaj na vajskovym zavodzie «Krušyk» u sierbskim horadzie Valeva adbyŭsia vybuch. Pavodle infarmacyi miascovych ŚMI i pradstaŭnikoŭ zavoda, paciarpieli niekalki čałaviek.

Skrynšot ź videa

Pry vybuchu, jaki adbyŭsia ŭ kapsulnym cechu, adzin rabotnik atrymaŭ parezy, a jašče čaćviora skardzilisia na šum u vušach. Usie byli dastaŭlenyja ŭ balnicu dla akazańnia miedycynskaj dapamohi.

Cikava, što za dva dni da zdareńnia Słužba źniešniaj raźviedki Rasii śćviardžała, što zavod «Krušyk» i inšyja sierbskija pradpryjemstvy nibyta pastaŭlajuć zbroju Ukrainie, choć aficyjny Białhrad zajaŭlaje pra niejtralitet. Rasijski bok zajaŭlaje, što pastaŭki iduć praz pasiarednikaŭ z krain NATA i navat Afryki, z vykarystańniem falšyvych dakumientaŭ.

Prezident Sierbii Alaksandr Vučyč na heta zajaviŭ, što stvoranaja śpiecyjalnaja hrupa razam z rasijskim bokam dla razboru situacyi. Jon taksama padkreśliŭ, što kali znojduć dokazy pastavak zbroi va Ukrainu, to jon budzie błakavać takija ździełki.

Kamientary da artykuła