U DTZ u Ivacevickim rajonie zahinuli dva čałavieki
Zdareńnie adbyłosia ŭnačy kala 02:20 na aŭtadarozie N-26414 «Volka — Dabramysl» pablizu v. Zakapličča.
Fota: pres-słužba MUS
28-hadovy kiroŭca-biaspraŭnik aŭtamabila «Ford» nie spraviŭsia z kiravańniem, mašyna pierakuliłasia i ŭrezałasia ŭ prydarožnaje dreva, paviedamlaje pres-słužba MUS.
Kiroŭca i 29-hadovy pasažyr zahinuli, jašče adzin 25-hadovy pasažyr špitalizavany. Ustanoŭlena, što nichto ź ich nie byŭ pryšpileny ramianiami biaśpieki.