Šmathadovaja hiehiemonija adnaho kłuba skončyłasia i ŭ handbole

Minskamu SKA ŭdałosia pieramahčy handbolny kłub «Miaškoŭ Brest» i pierarvać šmathadovaje daminavańnie apošniaha ŭ čempijanacie Biełarusi. U piatym, vyrašalnym matčy załatoj sieryi armiejcy abyhrali supiernikaŭ na ich placoŭcy — 29:27.

Raniej kamandy abmieńvalisia pieramohami ŭ svaich chatnich hulniach, i da hetaha minskaja kamanda dva hady nie mahła vyjhrać «kłasičny» matč. Ale sioleta maładaja kamanda Dźmitryja Nikulenkava zhulała tak vydatna, što ŭsio ž taki zabrała ŭ bieraściejcaŭ tytuł.

Uvohule heta 11-y čempijonski tytuł u historyi minskaha SKA, ale apošni raz hety kłub pieramahaŭ u 2002 hodzie. Pačynajučy ž z 2013 hoda niaźmiennym čempijonam byŭ «Miaškoŭ Brest».

Tak supała, što ŭ hety samy dzień zaviaršyłasia taksama šmathadovaja hiehiemonija ŭ mužčynskim baskietbole — kamanda «Minsk» straciła tytuł na karyść «Hrodna-93», jaki taksama pieramoh u piatym matčy sieryi. 

Kamientary da artykuła