Zialenski paćvierdziŭ udzieł Ukrainy ŭ pieramovach u Stambule
Prezident Ukrainy taksama paviedamiŭ, chto ŭznačalić ukrainskuju delehacyju na zaŭtrašnich pieramovach.
Uładzimr Zialenski. Fota: pres-słužba palityka
Ukrainski bok na pieramovach u Stambule, jakija naznačany na 2 červienia, uznačalić ministr abarony Rustem Umieraŭ, raskazaŭ Zialenski.
Taksama jon raspavioŭ pra asnoŭnyja pryjarytety ŭkrainskaj pazicyi:
«Pieršaje — poŭnaje i biezumoŭnaje spynieńnie ahniu. Druhoje — vyzvaleńnie pałonnych. Treciaje — viartańnie vykradzienych dziaciej. I, kab ustalavać nadziejny i praciahły śviet i harantavać biaśpieku, — rychtavać sustreču na samym vysokim uzroŭni. Klučavyja pytańni mohuć vyrašyć tolki lidary», — adznačyŭ ukrainski prezident.
Raniej kiraŭnik ofisa Zialenskaha Andrej Jarmak zajaviŭ, što Ukraina hatova pravieści novyja pieramovy ŭ Stambule.
Papiaredni raŭnd pieramovaŭ prajšoŭ u Stambule 16 maja. Ukrainskuju delehacyju ŭznačalvaŭ ministr abarony Rustem Umieraŭ, rasijskuju — pamočnik Pucina Uładzimir Miadzinski.