Šeść bujnych abjektaŭ achovy zdaroŭja płanujuć uvieści ŭ stalicy ŭ hetym hodzie
Da kanca 2025 hoda ŭ Minsku płanujecca ŭvieści ŭ ekspłuatacyju šeść miedycynskich abjektaŭ. Jak paviedamiŭ staršynia kamiteta pa achovie zdaroŭja Minharvykankama Ihar Jurkievič «Minsk-Navinam», dva ź ich — prybudova da 13-j haradskoj palikliniki i šmatfunkcyjanalny miedycynski centr na vuł. Majakoŭskaha — buduć zdadzieny da Dnia Niezaležnaści Biełarusi.
Šmatfunkcyjanalny miedcentr na Majakoŭskaha
U hetym centry buduć raźmieščany adrazu try ŭstanovy:
Haradski kliničny endakrynałahičny centr,
10-ja haradskaja stamatałahičnaja paliklinika,
Kliničny centr płastyčnaj chirurhii i miedycynskaj kaśmietałohii.
U centry źjavicca aparat MRT, pryznačany dla dyjahnostyki redkich endakrynałahičnych zachvorvańniaŭ.
Novyja palikliniki
Da kanca hoda ŭ stalicy adkryjucca jašče čatyry palikliniki:
darosłaja i dziciačaja ŭ ŽK «Minsk-Śviet»,
šmatprofilnaja paliklinika ŭ pasiołku Uschodni,
dziciačaja paliklinika ŭ mikrarajonie Łošyca-9.
Novyja abjekty i pieraasnaščeńnie
U stalicy idzie budaŭnictva budynka Minskaha haradskoha kliničnaha narkałahičnaha centra (rajon Ściapianka). A taksama infiekcyjnaj balnicy (Daŭhinaŭski trakt).
Adnačasova idzie pieraasnaščeńnie miedustanoŭ novym abstalavańniem. U 2024 hodzie nabyli dva pierasoŭnyja mamohrafy, jakija dazvalajuć pravodzić dyjahnostyku nie tolki ŭ paliklinikach, ale i vyjazdžać na pradpryjemstvy. Imi abstalavany 11-ja i 22-ja haradskija palikliniki. U 2025 hodzie novy ličbavy renthienaŭski mamohraf pastupiŭ u 1-ju centralnuju rajonnuju kliničnuju palikliniku Centralnaha rajona. Anałahičny aparat chutka źjavicca ŭ 21-j paliklinicy Zavodskaha rajona.
Novyja centry dyjahnostyki
Paśla pierajezdu 10-j stamatałahičnaj palikliniki ŭ novy budynak, tam raźmieścicca centr rańniaj dyjahnostyki puchlin hałavy i šyi. Akramia taho, u 2-j kliničnaj balnicy Minska na vuł. Čyrvonaarmiejskaj budzie stvorany Haradski centr rańniaj dyjahnostyki pieradpuchlinnych zachvorvańniaŭ — budynak znachodzicca ŭ stanie madernizacyi.