Lisa pierajšła darohu na zialonaje ŭ Hrodnie VIDEA
Usio adbyłosia viečaram u Hrandzičach. Mašyna z rehistrataram padjazdžaje da pierakryžavańnia. Dla transpartu zaharajecca «čyrvonaje», dla piešachodaŭ — «zialonaje», piša Newgrodno.by.
Ale zamiest ludziej na «ziebry» źjaŭlajecca lisa. Dačakaŭšysia patrebnaha sihnału śviatłafora, jana spakojna i biaśpiečna pierajšła darohu. A dalej pabiehła kudyści pa svaich lisinych spravach.
Zdajecca, navat ludziam časam varta pavučycca ŭ žyvioł skrupuloznamu vykanańniu praviłaŭ. Bo byŭ užo poźni viečar, mašyn na darozie mała, ale lisa vybrała dla pierachodu darohi mienavita ŭčastak sa śviatłaforami.