Łukašenka prapanavaŭ pastavić u Minsku pomnik Si Czińpinu
Alaksandr Łukašenka padčas ahladu Nacyjanalnaha futbolnaha stadyjona, jaki siońnia adkryli ŭ Minsku, prapanavaŭ ustalavać kala jaho ŭvachodu pomnik staršyni Kitaja Si Czińpinu.
Skulptura biełaruskaha i kitajskaha futbalistaŭ pry ŭvachodzie na stadyjon. Niedzie tut Łukašenka choča pastavić i pomnik kitajskamu kiraŭniku
Łukašenka zaŭvažyŭ, što pomnik budzie tut darečy, bo mienavita Kitaj dapamoh pabudavać hetuju spartyŭnuju arenu. Padčas cyrymonii adkryćcia stadyjona jon publična padziakavaŭ Si Czińpinu i ŭsim kitajskim partnioram za ich uniosak.
Pry hetym jon adznačyŭ, što stadyjon stanie novym simvałam jak Minska. tak i mocnaha siabroŭstva pamiž Biełaruśsiu i Kitajem.
Rašeńnie ab budaŭnictvie Nacyjanalnaha futbolnaha stadyjona było pryniata ŭ 2017 hodzie, i mienavita tady Łukašenka źviarnuŭsia da Si Czińpina z prapanovaj u hetym paŭdzielničać. Budaŭnictva pačałosia ŭ 2019 hodzie, a skončyłasia tolki sioleta. Terminy adkryćcia stadyjona nieadnarazova pieranosilisia, ale ŭrešcie heta adbyłosia 7 červienia.
Čytajcie taksama:
Eduarda Małafiejeva nie zaprasili na adkryćcio Nacyjanalnaha stadyjona
Na minskim stadyjonie «Traktar» prajšoŭ pieršy matč paśla praciahłaj rekanstrukcyi