Žančyna chacieła pravieźci hrošy z Kipra, schavaŭšy ich u prakładkach
Žančyna ź Biełarusi sprabavała pravieźci ŭ krainu vialikuju sumu najaŭnych hrošaj, nie zadekłaravaŭšy ich, ale mytniki vykryli jaje chitryki, piša pres-słužba Dziaržaŭnaha mytnaha kamiteta.
Biełaruska prylacieła z Paŭnočnaha Kipra rejsam «Stambuł—Minsk» i prajšła praź zialony kalidor u aeraporcie, paviedamiŭšy, što nie maje tavaraŭ, jakija padlahajuć dekłaravańniu.
Adnak u mytnikaŭ uźnikli padazreńni, i jaje nakiravali ŭ čyrvony kalidor dla dadatkovaha kantrolu. Pry ahladzie jana nazvała sumu ŭ 6600 dołaraŭ i 3000 tureckich lir, ale pramaŭčała pra jašče 22000 dalaraŭ.
Vyśvietliłasia, što žančyna pasprabavała schavać hetyja hrošy niestandartnym sposabam — abharnuła ich u falhu i schavaŭ u ŭpakoŭkach z žanočymi hihijeničnymi srodkami.
Ciapier suprać biełaruski pačali administracyjny praces. Jaje mohuć aštrafavać na sumu da 30 bazavych vieličyń z mahčymaj kanfiskacyjaj niezadekłaravanych hrošaj.
Čytajcie taksama:
Ukrainka sprabavała pravieźci ŭ Biełaruś zołata na 10 tysiač rubloŭ
Hramadzianin Małdovy sprabavaŭ niezakonna ŭvieźci ŭ Biełaruś daražennyja płacinavyja karali
U Biełarusi zatrymali hrupu, jakaja ŭviezła z-za miažy niebiaśpiečny psichatrop