Minadukacyi patłumačyła, čamu IP z 1 vieraśnia nie zmohuć pracavać u dziciačych sadkach
Z 1 vieraśnia indyvidualnyja pradprymalniki nie zmohuć pracavać z adukacyjnymi prahramami daškolnaj adukacyi. Padrabiaznaści raskazali ŭ Ministerstvie adukacyi.
Dziciačy sadok u Novaj Baravoj. Ilustracyjnaje fota
Źmieny praduhledžany pastanovaj viedamstva ad 23 maja № 90, jakaja ŭnosić papraŭki ŭ Pałažeńnie ab ustanovie daškolnaj adukacyi. U svaju čarhu, navacyi źviazanyja z pryviadzieńniem pałažeńnia ŭ adpaviednaść z abnoŭlenaj redakcyjaj Kodeksa ab adukacyi, jaki ŭstupić u siłu z 1 vieraśnia.
U viedamstvie ličać, što źmieny dazvolać uparadkavać dziejnaść ustanoŭ adukacyi i arhanizacyj pry realizacyi adukacyjnaj prahramy daškolnaj adukacyi.
Heta taksama dapamoža zabiaśpiečyć jakasny i zdarovaźbierahalny adukacyjny praces, vykanańnie sanitarna-epidemijałahičnych patrabavańniaŭ.
Pry hetym zachoŭvajecca mahčymaść realizacyi adukacyjnaj prahramy dadatkovaj adukacyi dziaciej i moładzi pa zapytach baćkoŭ.