Łukašenka pra «Biełaruśfilm»: Niachaj stvarajuć, pradajuć i žyvuć, nie — da pabačeńnia
Alaksandr Łukašenka padčas naviedvańnia kinastudyi vykazaŭsia nakont mahčymaści čarhovaj finansavaj padtrymki «Biełaruśfilma», piša BiełTA.
«Niachaj stvarajuć, pradajuć i žyvuć. Nie — da pabačeńnia. Kolki možna dapamahać? Jany ž faktyčna visiać na plačach dziaržavy. A za što davać hrošy?» — adznačyŭ jon.
Kažučy pra vytvorčaść filmaŭ, Alaksandr Łukašenka padkreśliŭ: «Sučasna pavinna być. Peŭnaja dynamika patrebna».
Łukašenku taksama prainfarmavali pra realizacyju televizijnych prajektaŭ na płoščach «Biełaruśfilma». Biełteleradyjokampanija tut zdymaje šerah papularnych pieradač.