Abjavili zbor na dastaŭku ŭ Biełaruś cieła i pachavańnie Alaksandra Kłaskoŭskaha-małodšaha
Alaksandr Kłaskoŭski — syn viadomych biełaruskich žurnalistaŭ Alaksandra i Ludmiły Kłaskoŭskich. Jon staŭ znakavym udzielnikam pratestaŭ 2010 hoda, apranuŭšy milicejskuju formu i staŭšy simvałam «Płoščy» 2010 hoda, kali supraćstajaŭ AMAPu.
Alaksandr Kłaskoŭski
U śniežni 2010 hoda Alaksandra Kłaskoŭskaha zatrymali, źbili i abvinavacili ŭ arhanizacyi masavych biesparadkaŭ. U 2011 hodzie jaho asudzili na piać hadoŭ kałonii ŭzmocnienaha režymu, ale nieŭzabavie vyzvalili praz pamiłavańnie. Byŭ pryznany palitviaźniem.
Paśla pratestaŭ 2020 hoda i pačatku represij Alaksandr ź siamjoj byŭ vymušany emihravać. U 2024 hodzie Kłaskoŭskija pierajechali ŭ ZŠA.
4 červienia 2025 hoda Alaksandr raptoŭna pamior, vierahodna, ad sardečnaha prystupu. Jamu było 46 hadoŭ.
Siamja i blizkija chočuć repatryjavać jaho cieła ŭ Biełaruś, ale dla hetaha patrebnyja hrošy. Ciapier idzie zbor na transpartavańnie cieła z ZŠA ŭ Polšču, paśla u Biełaruś, afarmleńnie dakumientaŭ i arhanizacyju pachavańnia.