Były śviatar z Homiela pakazaŭ, jak dačka sustrakała jaho paśla dvuch hadoŭ źniavoleńnia

Viadomy ŭ Homieli były pravasłaŭny manach-śviatar Alaksandr Tarasienka vyjšaŭ na volu paśla amal dvuch hadoŭ źniavoleńnia. Heta adbyłosia jašče ŭ pačatku hoda, ale Alaksandr nie paviedamlaŭ publična pra svajo vyzvaleńnie, pakul nie apyniecca ŭ biaśpiecy. Ciapier hety momant nadyšoŭ, piša Katolik.life.

U sacsietkach jon padziakavaŭ usim za padtrymku, spačuvańnie i ciepłyniu, adznačyŭšy, što «ŭ taki luty čas asabliva mocna kranaje čałaviečaja dabrynia i prystojnaść», pažadaŭ usim chutčejšaha nastupleńnia miru.

Sustreča baćki z dačkoju paśla źniavoleńnia

Alaksandr Tarasienka znajomy homielskim katalikam jak ijeramanach Mikałaj, jaki pravodziŭ u Cierusie mižkanfiesijny fiestyval «Chrystos pasiarod nas».

Pakinuŭšy manastva, stvaryŭ siamju. Da zatrymańnia mužčyna pracavaŭ kiroŭcam-dalnabojnikam.

@nashaniva Tolki pahladzicie jak dačka sustrakała viadomaha ŭ Homieli byłoha pravasłaŭnaha manacha Alaksandra Tarasienka. Jonbyŭ aryštavany ŭ 23-m hodzie za post u sacsietcy #biełaruś #našaniva #naviny #žyviebiełaruś #homiel #homielbiełaruś ♬ INTERESTELLAR - Kore Blanco

U 2023 hodzie byŭ asudžany na dva hady pazbaŭleńnia voli pa palityčna matyvavanym abvinavačvańni za post u sacsietcy (pavodle art. 368 Kryminalnaha kodeksu — abraza Łukašenki).

Kamientary da artykuła