U Varšavie zatrymali biełarusa, jaki znachodziŭsia ŭ vyšuku Interpała
U Varšavie polskaja palicyja zatrymała 33-hadovaha hramadzianina Biełarusi, jaki znachodziŭsia ŭ mižnarodnym vyšuku praź Interpał za ŭdzieł u narkatyčnym biznesie.
Fota: policja.gov.pl
Mužčynu šukali pa «čyrvonaj nocie» Interpała — heta adzin z samych surjoznych uzroŭniaŭ vyšuku, jaki dazvalaje aryštavać padazravanaha z nastupnaj ekstradycyjaj.
Zatrymańnie adbyłosia ŭ miežach ahulnanacyjanalnaj apieracyi pa pošuku asobaŭ, što ŭciakajuć ad pravasudździa. Supracoŭniki kryminalnaha adździeła varšaŭskaha rajona Vola vyznačyli miescaznachodžańnie biełarusa ŭ rajonie Praha-Poŭdzień. U paniadziełak ranicaj mužčyna byŭ zatrymany i dastaŭleny ŭ prakuraturu dla praviadzieńnia śledčych dziejańniaŭ.
Pavodle infarmacyi śledstva, biełarus byŭ členam arhanizavanaj złačynnaj hrupy, jakaja zajmałasia prodažam narkotykaŭ. U vypadku, kali jaho ekstradujuć na radzimu, jamu moža pahražać da 20 hadoŭ źniavoleńnia.
Čytajcie taksama:
Ź Biełarusi ŭ Aŭstryju ekstradavany złačyniec, jakoha šukali praź Interpał
U Biełaruś ekstradavali kilera bandy Marozava. Ciapier jaho rasstralajuć? A voś i nie