U Chojnikach žančyna rabiła sabie kaktejli ź vina, vocatu i ščołačy. Usio skončyłasia trahiedyjaj
U sakaviku žycharka Chojnikaŭ adčuła siabie drenna na pracy i vyklikała chutkuju dapamohu. Jaje špitalizavali sa skarhami na mocnyja boli ŭ žyvacie, dychavicu i suchaść u rocie.
Spačatku daktary zapadozryli zachvorvańnie brušnoj połaści, adnak praviedzienyja abśledavańni pakazali prykmiety ciažkich chimičnych paškodžańniaŭ stravavalnaj sistemy. Miedyki vyśvietlili, što ŭ pacyjentki byli erozii i jazvy ŭ stravavodzie, straŭniku i dvanaccacipiersnaj kišcy — charakternyja nastupstvy ŭździejańnia ahresiŭnych rečyvaŭ.
Nieŭzabavie žančyna pryznałasia, što ŭžyvała niebiaśpiečnuju sumieś: jana samastojna źmiešvała kaktejli ź vina, vocatnaj kisłaty i ščołačy. Hetyja rečyvy vyklikali surjoznyja ŭnutranyja apioki
Niahledziačy na namahańni daktaroŭ, vyratavać pacyjentku nie ŭdałosia — praź niekalki dzion jana pamierła ŭ reanimacyi.
Sudova-miedycynskaja ekśpiertyza paćvierdziła: pryčynaj śmierci staŭ chimičny apiok orhanaŭ, atrymany niezadoŭha da špitalizacyi. Ekśpierty ŭstalavali, što paškodžańni adnosiacca da katehoryi ciažkich i niepasredna źviazanyja z hibiellu žančyny, paviedamlaje Dziaržkamitet sudovych ekśpiertyz.