Praź niekalki tydniaŭ paśla sutak u IČU pamierła 66-hadovaja žančyna z ankałohijaj. Jaje zatrymali pa viartańni ŭ Biełaruś
Viadoma, što ŭ izalatary žančyna zachvareła na zapaleńnie lohkich.
Na pačatku hoda ŭ adnym z punktaŭ propusku pa viartańni ŭ Biełaruś za «padabajki» ŭ sacsietkach była zatrymanaja žančyna (jaje danyja jość u pravaabaroncaŭ), jakaja chvareła na ankałohiju, piša «Viasna».
Da suda jaje źmiaścili ŭ IČU Bresta. Praz try dni joj pryznačyli štraf i vyzvalili.
Viadoma, što ŭ izalatary žančyna zachvareła na zapaleńnie lohkich.
Paśla vyzvaleńnia jana pajechała dadomu, dzie spačatku samastojna zmahałasia z chvarobaj. Praz tydzień jaje zabrali ŭ lakarniu. Amal praź miesiac žančyna pamierła. Pryčyna — słaby imunitet i zapaleńnie lohkich.