Z AAE ŭ Niderłandy ekstradavali byłoha hulca maskoŭskaha «Spartaka». Na radzimie jamu pahražaje siem hadoŭ turmy
Byłoha futbalista maskoŭskaha «Spartaka» Kuinsi Promiesa ekstradavali z Dubaja. Jaho pasadzili na samalot, zafrachtavany sudovymi orhanami, piša De Telegraaf sa spasyłkaj na krynicy.
Wikimedia Commons
Padčas palotu jaho achoŭvajuć supracoŭniki niderłandskaj vajennaj palicyi. U Niderłandach Promiesa źmieściać u śledčy izalatar — jon zavočna prysudžany da 7,5 hoda turemnaha źniavoleńnia.
Kvinsi Promies vystupaŭ za «Spartak» z 2014 hoda. U 2023 hodzie sud u Niderłandach zavočna prysudziŭ Promiesa da 1,5 hoda pazbaŭleńnia voli za nažavoje ranieńnie, jakoje jon nanios svajmu stryječnamu bratu na viečaryncy ŭ 2020 hodzie.
Potym Promiesu vynieśli jašče adzin zavočny prysud — šeść hadoŭ pazbaŭleńnia voli pa spravie ab kantrabandzie narkotykaŭ. Pavodle viersii abvinavačvańnia, futbalist udzielničaŭ u kantrabandzie 1350 kiłahramaŭ kakainu praz port Antverpena.
Promies na momant zavočnaha aryštu znachodziŭsia ŭ Dubai, kudy jon źjechaŭ u studzieni 2024 hoda razam sa «Spartakom» na zbory. Adnak vylecieć nazad u Rasiju z kamandaj jon nie zmoh. 12 červienia 2025 hoda Promiesa zatrymali ŭ Dubai na zapyt niiderłandskich uładaŭ ab ekstradycyi.