Ci maje prava zabirać małoha ź dziciačaha sadka starejšy brat?
Žančyna z Homiela pacikaviłasia ŭ miascovaha vydańnia «Biełka», ci moža jaje starejšy syn zabirać małodšaha brata ź dziciačaha sadka. Starejšamu chłopcu letam spoŭnicca 16 hadoŭ i jon sam prapanavaŭ dapamahać, bo ŭ maci niepastajanny pracoŭny hrafik, a baćka časta ŭ kamandziroŭkach.
Fota ilustracyjnaje
Pradstaŭnica adździeła adukacyi Savieckaha rajona Homiela patłumačyła, što zhodna z praviłami biaśpieki, zaćvierdžanymi Ministerstvam adukacyi (pastanova №227 ad 3 žniŭnia 2022 hoda), dziaciej nielha addavać asobam maładziejšym za 16 hadoŭ. Taksama dzicia nie addaduć, kali čałaviek, jaki pryjšoŭ jaho zabirać, u niećviarozym stanie abo pad upłyvam narkatyčnych rečyvaŭ.
U ideale dzicia pavinny zabirać zakonnyja pradstaŭniki. Ale kali heta niemahčyma pa abjektyŭnych pryčynach (naprykład, chvaroba, kamandziroŭka, źmienny hrafik), to zabrać dzicia mohuć blizkija svajaki abo inšyja ludzi, paznačanyja ŭ zajavie ad baćkoŭ. Takim čynam, kali synu ŭžo spoŭniłasia 16 i jość zajava ad baćkoŭ — jon moža zabirać brata.
Čytajcie taksama:
Žančynu nie puścili ŭ restaran «Pajedziem, pajadzim» ź dziciom, jakoje zasnuła ŭ vazku
Minadukacyi patłumačyła, čamu IP z 1 vieraśnia nie zmohuć pracavać u dziciačych sadkach