Dzie i jak biełarusy sioleta buduć śviatkavać Kupalle
Biełarusy ŭ roznych krainach śvietu buduć śviatkavać Kupalle. Pieśni, tancy, karahody, hulni i konkursy, zbor ziołak, kupalskaje vohnišča i pošuk Paparać-kvietki — prahrama śviatkavańnia nadzvyčaj nasyčanaja i raznastajnaja. «Budźma» sabrała dla vas niekalki varyjantaŭ, dzie možna adznačyć Kupalle ŭ Biełarusi i za miažoj.
Biełaruś, Minsk i Minskaja vobłaść
Kupalle ŭ Aziarcy
Data: 21 červienia
Čas: 19:00-22:00 (čas miascovy)
Miesca: Muziej narodnaj architektury i pobytu
U subotu, 21 červienia, u muziei narodnaj architektury i pobytu ŭ Aziarcy śviatkujuć Kupalle.
U tajamničuju kupalskuju noč usia viaskovaja hramada źbirałasia la vohnišča, kab spalić staryja rečy, pavadzić karahody i zładzić viasiołyja hulańni.
Mienavita ŭ kupalskuju noč kožny prahnuŭ adšukać paparać-kvietku i avałodać usimi viedami ziamli.
A viadźmarki i čaraŭniki karystalisia mahčymaściu pieratvarycca na adnu noč u źmiej, kab narabić škody ludziam.
Vas čakaje: placieńnie viankoŭ, kupalskaje šeście z tradycyjnymi pieśniami, vohnišča: karahody, hulni, skoki, varožby na viankach i zielaninie, čaradziejnyja kazki, majstar-kłasy pa vyvučeńni kupalskich piesień, tradycyjnym tancam pad biełaruskija narodnyja instrumienty, pa dekory z travy, rycarskaja i «viadźmačaja» placoŭki, vystupleńni falkłornych kalektyvaŭ.
Kupalle ŭ Sule
Data: 21-22 červienia
Čas: pačatak 21 červienia ŭ 14:00 (čas miascovy)
Miesca: park historyi Suła
Hetymi vychodnymi, 21 i 22 červienia, u Sule śviatkujuć Kupalle. Abiacajuć vielmi nasyčanuju prahramu. Zavitvajcie!
Hrodzienskaja vobłaść
Kupalle ŭ Zaleśsi
Data: 5 lipienia
Čas: 20:00-23:55 (čas miascovy)
Miesca: parkavaja zona Zaleskaha Doma kultury
U Zaleśsi na ŭsiu moc śviatkujuć Kupalle. Admysłovuju noč, napoŭnienuju tajamnicami, abradami i ahniom, sustrakajuć u Zaleśsi, kab dakranucca da sapraŭdnaj tradycyi i adčuć atmaśfieru i enierhiju.
U prahramie:
- Teatr ahniu, etničnaha tanca i muzyki «Kietry»
- Vidoviščnaje fajer-šou «Kustudyja»
- Lehiendarny Ivan Kirčuk — hołas i duša biełaruskaha falkłoru
- Narodny ansambl pieśni «Viečarynka»
- Uzorny falkłorny kalektyŭ «Nalščanačka»
- Kavier-hrupa «URAHAN»
- Dydžej Trajan.
Hruzija
Kupalskaje prepaci ŭ Tbilisi
Data: 21 červienia
Čas: 16:00-20:00 (čas miascovy)
Miesca: bar «Rapers» (vuł. Andžaparydze, 1)
U subotu, 21 červienia, u dvoryku bara «Rapers» ładziać prepaci da Kupalla.
Prychodźcie adznačać dzień letniaha soncastajańnia, pleści vianki i hladzieć kino.
Hladzieć prapanujuć dakumientalny film Alhimantasa Viduhirysa «Zabytyja bahi. Kupała», źniaty ŭ 1990-m u Biełarusi. Film raspaviadaje pra vytoki i tradycyi Kupalla. Jašče vas čakaje placieńnie kupalskich viankoŭ i admysłovy kupalski dydžej-set.
Uvachod volny.
ZŠA
Kupalle ŭ Vašynhtonie ź Sieržukom Doŭhušavym
Data: 22 červienia
Čas: 17:00-20:00 (čas miascovy)
Miesca: Fletchers Cove Park (4940 Canal Rd NW)
U niadzielu, 22 červienia, biełarusy Vašynhtona śviatkujuć Kupalle i kličuć dałučacca! Viadoŭcam budzie zachavalnik i papularyzatar tradycyjnaj biełaruskaj kultury Siaržuk Doŭhušaŭ.
Vas čakaje:
- placieńnie kupalskich viankoŭ
- muzyka i pieśni
- tancy i karahody
- konkursy i hulni (mahčymy navat pošuk paparać-kvietki)
- kupalskaje vohnišča
- fotaset kala vady.
Kupalle ŭ Łos-Andželesie
Data: 21 červienia
Čas: 12:00-21:00 (čas miascovy)
Miesca: Huntington State Beach (21601 Pacific Coast Hwy)
U subotu, 21 červienia, biełarusy Łos-Andželesa, Orandž-Kaŭnci i San-Dyjeha śviatkujuć Kupalle na plažy.
Vas čakaje: placieńnie viankoŭ, śpiavańnie biełaruskich narodnych piesień, narodnyja tancy, hulni, spabornictvy pa valejbole, zapalvańnie kupalskaha vohnišča, dziciačaja prahrama, rozyhryš.
Kupalle ŭ Fiładelfii
Data: 20-22 červienia
Čas: 17:00-15:00 (čas miascovy)
Miesca: Tobyhanna State Park (114 Campground Road Tobyhanna)
Ź piatnicy pa niadzielu, z 20 pa 22 červienia, biełarusy Fiładelfii śviatkujuć Kupalle. Kupalskuju prahramu pradstavić muzyka i papularyzatar tradycyjnaj kultury Siaržuk Doŭhušaŭ.
Vas čakajuć:
- Skoki praz vohnišča
- Pošuki paparać-kvietki
- Žyvaja muzyka i śpievy
- Karahody i narodnyja tancy
- Konkurs na lepšy kupalski stroj
- Kino pad zorkami
- Spartyŭnyja hulni i zabavy
- Silent Rave Party z DJ D*MARK.
Litva
Majstar-kłas pa kupalskich viankach u Vilni
Data: 21 červienia
Čas: 15:00-17:00 (čas miascovy)
Miesca: «Kropka» (Savičiaus g. 6)
U subotu, 21 červienia, u kramie «Kropka» ładziać majstar-kłas pa biełaruskich kupalskich śpievach.
Padčas zaniatkaŭ vy navučyciesia śpiavać kupalskija pieśni, pahłybiciesia ŭ sensy i tradycyi, zaśpiavajecie razam ad dušy.
Nie treba być śpievakom — prosta prychodźcie z adkrytym sercam. Uvachod volny, danaty vitajucca.
Niderłandy
Kupalle na Paŭnočnym mory
Data: 21 červienia
Čas: 16:00-21:30 (čas miascovy)
Miesca: BeachLine Hoek van Holland (Rechtestraat 25, 3151 HN)
21 červienia, u subotu, biełarusy Niderłandaŭ śviatkujuć Kupalle na ŭźbiarežžy Paŭnočnaha mora. Fest pačniecca ŭ 16.00 i praciahvajecca da zachadu sonca.
Dres-kod — vyšyvanka abo luboje adzieńnie biełaha koleru.
U prahramie:
- Kupalski kirmaš
- Muzyčny džem
- Šachmatny stoł
- Žanočaja kupalskaja miedytacyja na bierazie mora
- Majstar-kłas pa placieńniu viankoŭ ad Natalli Voŭk
- Hulnia-kvest dla dzietak «Pošuk paparać-kvietki»
- Kancert rok-hurta «Relikt» na zachadzie sonca
- Śpievy, hulni, tancy kala vohnišča z etnamuzykami
- Dydžejski set ad Papa Bo i šmat čaho inšaha.
Polšča
Kupalle ŭ Aŭhustovie
Data: 20-22 červienia
Miesca: Voziera Biale kala Aŭhustova
Naprykancy tydnia, z 20 pa 22 červienia, biełarusy Biełastoka kličuć śviatkavać Kupalle na bierazie voziera Biale kala Aŭhustova.
Vas čakajuć abrady i tradycyi, zapłyŭ, konkursy i pryzy, vianki, tradycyjnyja stravy i napoi, paparać-kvietka dy vohnišča. A taksama cudoŭnaja pryroda, dobraja kampanija i aktyŭnyja hulni.
Biarycie z saboj namioty, spalniki i dyvanki.
Varšava
Kupalle ŭ Varšavie
Data: 21 červienia
Čas: 16:00-23:00 (čas miascovy)
Miesca: Plaża Na Saskiej Kępie (Wisla Bijacz)
21 červienia biełarusy ŭ Varšavie tradycyjna sustrakajucca na bierazie Visły, kab adznačyć Kupalle.
Śpievy, tancy, varažba, pošuki paparać-kvietki i jadnańnie dobrych siłaŭ suprać złych.