Lvy zadrali dyrektara safary-parku ŭ Krymie
Mužčyna atrymaŭ ciažkija traŭmy, kali karmiŭ žyvioł. Letaś lvy zahryźli supracoŭnicu taho ž safary-parku.
Aleh Zubkoŭ sa lvom. Fota: TASS
U Krymie lvy napali na dyrektara safary-parku «Tajhan» Aleha Zubkova. Jak paviedamlaje Śledčy kamitet pa Respublicy Krym, zdareńnie adbyłosia padčas karmleńnia žyvioł. Mužčyna atrymaŭ šmatlikija traŭmy.
«Paciarpieły sam zmoh vybracca z zakrytaj kletki, paśla čaho straciŭ prytomnaść. U ciapierašni čas jon znachodzicca ŭ reanimacyi», — havorycca ŭ paviedamleńni SK.
Pavodle apošniaj infarmacyi, dyrektara apierujuć na miescy. Jaho stan aceńvajecca jak ciažki. Pra heta paviedamiŭ daradca rasijskaha kiraŭnika Kryma Aleh Kručkoŭ. Raniej paviedamlałasia, što Zubkova płanavali dastavić u balnicu.
Heta nie pieršy vypadak napadu lvoŭ u parku «Tajhan». Vosieńniu minułaha hoda drapiežniki zahryźli supracoŭnicu parku Leakadziju Pieravałavu. Jana zajšła ŭ valjer z tryma lvami, kab prybracca, ale nie začyniła zasaŭku pamiž dvuma pamiaškańniami kletki. U vyniku žyvioły napali na jaje.