Biełstat zapuściŭ bot u Telegram
Nacyjanalny statystyčny kamitet Biełarusi zapuściŭ virtualnaha pamočnika ŭ miesiendžary Telegram.
Čat‑bot pracuje kruhłasutačna i pryznačany dla akazańnia kansultacyjnaj padtrymki respandentam dziaržaŭnych statystyčnych nazirańniaŭ. Virtualny pamočnik dapamoža karystalnikam znachodzić adkazy na časta zadavanyja pytańni i vyrašać typavyja techničnyja prablemy, jakija ŭźnikajuć pry rabocie z portałam «Elektronny respandent anłajn».
Akramia taho, čat‑bot pradastaŭlaje imhnienny dostup da błankaŭ formaŭ dziaržaŭnaj statystyčnaj spravazdačnaści, instrukcyj pa ich zapaŭnieńni i inšaj karysnaj infarmacyi.
Znajści virtualnaha pamočnika možna na hałoŭnaj staroncy partała «Elektronny respandent anłajn».