Viadomuju minskuju trenierku pa tancach asudzili za palityku
Alaksandra (Aleksa) Ašurka viadomaja ŭ biełaruskaj tancavalnaj supolnaści. Jaje asudzili pa narodnym 342-m artykule.
Alaksandra Ašurka. Fota: Devil dance studio
Alaksandry Ašurka 38 hadoŭ. Jana rodam z Kreva (Hrodzienskaja vobłaść). Vučyłasia ŭ Mižnarodnym humanitarna-ekanamičnym instytucie na fakultecie mižnarodnych adnosin. Alaksandra zamužam.
Šmat hadoŭ dziaŭčyna zajmajecca tancami. Jana zasnavalnica vialikaj studyi Devil Dance studio. U 2016 hodzie Ašurka była pryznanaja chareohrafam hoda pa viersii Bizon Awards — heta adna z samych prestyžnych chareahrafičnych premij na postsavieckaj prastory. U 2015 i 2017 jaje naminavali na chareohrafa hoda. Numary, jakija jana stavić, rehularna vyjhrajuć uznaharody na roznych tancavalnych čempijanatach.
Alaksandra Ašurka padčas vykanańnia tancavalnaha numara. Fota: «Ukantakcie»
Alaksandra pastaviła sotni tancavalnych numaroŭ, staviła śpiektakli i fłešmoby. Taksama jana arhanizoŭvaje tancavalny fiestyval Hot Weekend Minsk. Daje majstar-kłasy ŭ roznych krainach i sudzić čempijanaty.
Alaksandra Ašurka. Fota: Devil dance studio
Alaksandru Ašurka asudzili ŭ 2025 hodzie pa č. 1 artykuła 342 KK — «arhanizacyja abo ŭdzieł u dziejańniach, jakija hruba parušajuć hramadski paradak». Prysud, mierkavana — chatniaja chimija.
Čytajcie taksama:
Maładuju vykładčycu anhlijskaj movy asudzili za ŭdzieł u pratestach