Kolkaść zahinułych u Dniapry vyrasła da siami
Da 7 pavialičyłasia kolkaść zahinułych u vyniku ŭdaru pa Dniapry. Taksama viadoma prynamsi pra 70 paranienych, paviedamili ŭ abłasnoj vajskovaj administracyi.
Kałaž: UNIAN
Siońnia, 24 červienia, Rasijskaja Fiederacyja ździejśniła terarystyčny ŭdar pa Dnieprapiatroŭščynie. Paškodžana cyvilnaja infrastruktura i ciahnik «Ukrzaliźnici». Pra heta paviedamiŭ kiraŭnik Dnieprapiatroŭskaj abłasnoj vajennaj administracyi Siarhiej Łysak u svaim Telegram-kanale.
«U Dniapry ŭźnik pažar. Paškodžana cyvilnaja infrastruktura. U pryvatnaści, internat, himnazija, administracyjny budynak. Paškodžany ciahnik. Traŭmy atrymali jaho pasažyry», — adznačyŭ Łysak.
Jon taksama dadaŭ, što jość zahinułyja i paciarpiełyja. Pa słovach kiraŭnika Ofisa prezidenta, taksama ŭ Dniapry paciarpieli škoły, dziciačyja sadki.
U vyniku ŭdaru Rasii paškodžany ciahnik № 52 Adesa — Zaparožža.
«Na miesca apieratyŭna prybyli ratavalniki i bryhady chutkaj dapamohi. Pasažyraŭ apieratyŭna pieraviali ŭ schovišča, pakolki pavietrany tryvoha ŭ rehijonie praciahvajecca», — havorycca ŭ paviedamleńni.