Ułady prapanujuć pradaŭcam na rynkach abhruntoŭvać svaje ceny
Ministerstva antymanapolnaha rehulavańnia i handlu (MARH) Biełarusi prapanuje ŭvieści novyja praviły dla pradaŭcoŭ na rynkach. Zhodna z prajektam pastanovy, handlary pavinny buduć dakumientalna abhruntoŭvać svaje roźničnyja ceny na tavary, jakija padpadajuć pad dziaržaŭnaje rehulavańnie.
Fota ilustracyjnaje
Prajekt praduhledžvaje, što administracyi rynkaŭ atrymajuć bolšyja paŭnamoctvy. Naprykład, jany zmohuć skasoŭvać damovy z tymi pradaŭcami, jakija dvojčy ci bolš za 12 miesiacaŭ parušyli praviły handlu — naprykład, zavysili ceny abo nie vykanali sanitarnyja normy.
Taksama prapanujecca, kab kožny dzień administracyi praviarali na miescach najaŭnaść dakumientaŭ, jakija paćviardžajuć zakonnaść cenaŭ, i raźmiaščali infarmacyjnyja šyldy z aktualnymi rehulavanymi cenami.
Novyja praviły zakranuć usich, chto handluje na rynkach — jak indyvidualnych pradprymalnikaŭ, tak i jurydyčnyja asoby.
Biełarusy mohuć pakinuć svaje vodhuki i prapanovy pa prajekcie na pravavym forumie da 4 lipienia.
Čytajcie taksama:
«Jahadaŭ mieniej, a ceny bolšyja». Što robicca na hałoŭnym rynku kłubnicaŭ
Minhandlu ŭhledzieła na Kamaroŭcy ahurki i pamidory pa 40 rubloŭ i nieadkładna prareahavała