Apublikavany rejtynh samych darahich krain dla žyćcia. Na jakim miescy Biełaruś?
Analityčny servis Numbeo pradstaviŭ abnoŭleny rejtynh koštu pražyvańnia ŭ krainach i asobnych terytoryjach u 2025 hodzie.
Fota: Getty Images
U rejtynhu 139 krain i terytoryj. Amierykanskija Virhinskija astravy ŭ im na pieršym miescy, potym iduć Šviejcaryja i Isłandyja.
Biełaruś — na 123-m miescy.
Takim čynam rejtynh krain pa indeksie koštu žyćcia pazicyjanuje Biełaruś jak krainu z adnosna nizkimi vydatkami na žyćcio — indeks składaje 25.0 punkta.
U paraŭnańni z krainami Jeŭrapiejskaha Sajuza, Biełaruś vyhladaje značna bolš dastupnaj: indeks u Litvie i Łatvii pieravyšaje 43, u Polščy — amal 39.
A voś Rasija (22.3) i Ukraina (24.6) majuć nižejšyja pakazčyki.
Jak kažuć śpiecyjalisty, indeks koštu žyćcia nie źjaŭlajecca samastojnym pakazčykam dabrabytu. Jon nie ŭličvaje ŭzrovień dachodaŭ i faktyčnuju pakupnuju zdolnaść. U ekanomicy, dzie nizkija vydatki supravadžajucca nizkimi zarobkami, nizki indeks moža śviedčyć pra abmiežavanyja mahčymaści spažyŭcoŭ.
Takim čynam, Biełaruś zastajecca ŭ liku krain z najbolš dastupnym pobytam, što moža mieć jak stanoŭčyja (nizkija vydatki dla zamiežnikaŭ), tak i admoŭnyja nastupstvy.
Što takoje indeks koštu žyćcia?
Indeks koštu žyćcia pakazvaje, nakolki darahoje abo tannaje žyćcio ŭ peŭnaj krainie ci horadzie ŭ paraŭnańni z bazavym etałonam — Ńju-Jorkam, jaki maje indeks 100.0.
Kali indeks krainy 25.0 (jak u nas), heta značyć, što žyćcio ŭ Biełarusi prykładna ŭ 4 razy tańniejšaje, čym u Ńju-Jorku.
Hetaja ličba ŭličvaje siarednija vydatki na: pradukty charčavańnia, arendu žylla, transpart, restarany, kamunalnyja pasłuhi i inš.