Pryzyŭnik nie źjaviŭsia pa poźvie ŭ vajenkamat i vyjechaŭ u Hiermaniju. Pa viartańni praz try hady jaho zatrymali
U žniŭni 2022 hoda chłopiec pavinien byŭ źjavicca ŭ vajskovy kamisaryjat Kastryčnickaha rajona Minska dla prachodžańnia miedycynskaha ahladu.
Adnak małady čałaviek tudy tak i nie pryjšoŭ, na zvanki nie adkazvaŭ, dakumientaŭ nie pradstaviŭ. Jaho pad rośpis papiaredžvali ab adkaznaści za ŭchileńnie ad mierapryjemstvaŭ pa pryzyvie, pišuć Minsk-naviny.
Akazałasia, uvieś hety čas junak znachodziŭsia ŭ Hiermanii, kudy nibyta źjechaŭ vučycca. Tam žyvie jaho maci. Kali jon viarnuŭsia na radzimu, jaho zatrymali i zaviali kryminalnuju spravu. Vinu jon całkam pryznaŭ, u zroblenym raskajaŭsia.
Sud pryznaŭ jaho vinavatym va ŭchileńni ad mierapryjemstvaŭ pa pryzyvie na vajennuju słužbu i na padstavie č. 1 art. 435 KK pryznačyŭ pakarańnie ŭ vyhladzie aryštu na termin adzin miesiac.