Na biełaruskuju biržu pryjšła pieršaja kampanija z KNDR
Na Biełaruskaj univiersalnaj tavarnaj biržy (BUTB) upieršyniu zarehistravałasia kampanija z Paŭnočnaj Karei. Jak paviedamili pradstaŭniki biržy vydańniu Office Life, firma atrymała akredytacyju dla zakupki suchoha małaka i ŭ budučyni płanuje nabyvać i inšuju sielskahaspadarčuju pradukcyju.
Fota ilustracyjnaje
Paŭnočnakarejski imparcior skarystaŭsia sproščanaj praceduraj akredytacyi, jakaja dziejničaje dla zamiežnych pakupnikoŭ biełaruskich małočnych tavaraŭ. U vyniku na biržy ciapier zarehistravana ŭžo 8475 kampanij z 82 krain śvietu.
Pavodle danych biržy, za pieršyja piać miesiacaŭ 2025 hoda na ekspart było pradadziena bolš za 56 tysiač ton suchoha abiastłuščanaha i celnaha małaka — rost u paraŭnańni z anałahičnym pieryjadam minułaha hoda skłaŭ 426%. U 2024 hodzie ździełki rehularna zaklučali tolki 38 zamiežnych kampanij, a ŭ 2025-m ich kolkaść uzrasła da 151.
Siarod asnoŭnych pakupnikoŭ biełaruskaha suchoha małaka — Rasija, Polšča, Hiermanija, Sinhapur i Kazachstan.
Čytajcie taksama:
KNDR adkryła kurort «suśvietnaha kłasa». Jon moža być aryjentavany na rasijskich turystaŭ FOTY
KNDR moža nakiravać u Rasiju 25000 čałaviek na zavody pa vytvorčaści dronaŭ