U biełarusa, jaki pakalečyŭ paŭtarahadovaha chłopčyka ŭ maskoŭskim aeraporcie, vyjavili šyzafreniju
U Padmaskoŭi na dva miesiacy aryštavali biełarusa, abvinavačanaha ŭ zamachu na zabojstva dvuchhadovaha dziciaci, piša TASS. Rašeńnie pryniaŭ Chimkinski haradski sud.
Skrynšot videa Shot
«Sud zadavoliŭ chadajnictva śledstva i abraŭ Uładzimiru Vicikavu mieru strymańnia ŭ vyhladzie ŭtrymańnia pad vartaj terminam na dva miesiacy», — havorycca ŭ pastanovie. Pavodle danych śledstva, mužčyna, znachodziačysia ŭ zonie prylotu aeraporta Šaramiećcieva ŭ stanie narkatyčnaha apjanieńnia, uchapiŭ čužoje dzicia, padniaŭ jaho i ź vialikaj siłaj kinuŭ na padłohu.
Chłopčyk atrymaŭ pierałomy čerapa. Jon uviedzieny ŭ miedykamientozny son i znachodzicca ŭ balnicy ŭ ciažkim, ale stabilnym stanie.
Zaviedziena kryminalnaja sprava za zamach na zabojstva niepaŭnaletniaha, ździejśnienaje z asablivaj žorstkaściu. Maksimalnaje pakarańnie, jakoje jamu pahražaje — heta 15 hadoŭ kałonii.
Paviedamlajecca, što na dopycie abvinavačany nie zdoleŭ rastłumačyć pryčyny svaich dziejańniaŭ.
Biełarus Vicikaŭ znachodzicca na ŭliku ŭ psichijatra z dyjahnazam «šyzafrenija». Jon žanaty, maje dźviuch dačok: adnoj 2 hady, druhoj 13 hadoŭ. U mužčyny taksama jość rehistracyja ŭ Rasii. Maje siaredniuju adukacyju, pracavaŭ mancioram kabielnych sietak. Raniej nie sudzimy.
Mužčynu pahražaje da 15 hadoŭ turmy.
Čytajcie taksama:
Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie