U vyniku rasijskaha ŭdaru pa horadzie Samar pad Dniaprom zahinuli čatyry čałavieki
Kolkaść zahinułych u horadzie Samar uzrasła da čatyroch, jašče 17 čałaviek paciarpieli, dadaŭ kiraŭnik Dnieprapiatroŭskaj vobłaści Siarhiej Łysak.
Pavodle jaho, bolšaść paranienych špitalizavanyja.
Dvoje mužčyn i žančyna — u «ciažkim» stanie, astatnija — u stanie siaredniaj ciažkaści, dadaŭ kiraŭnik AVA.
Dva dni raniej u vyniku ŭdaru pa Dniapry i Samary zahinuli 24 čałavieki.