Pa ŭsioj Biełarusi płanujuć uvieści «čystyja čaćviarhi» — adzinyja dni dla dobraŭparadkavańnia
Načalnik haradskoj haspadarki Minharvykankoma raspavioŭ pra novuju inicyjatyvu pa prybirańni terytoryj, jakuju płanirujecca ŭvieści na respublikanskim uzroŭni.
Čynoŭniki anansavali praviadzieńnie «adzinych dzion dobraŭparadkavańnia» pa ŭsioj Biełarusi. Ab hetym raskazaŭ načalnik minskaj haradskoj haspadarki i enierhietyki Minharvykankoma Alaksandr Rakaŭščyk.
U Minsku ŭžo dziejničaje paniaćcie «čysty čaćvier», kaža jon. U hety dzień ad subjektaŭ haspadarańnia patrabujuć prybirać zamacavanyja za imi terytoryi, kab jany vyhladali adnolkava akuratna. Ciapier padobny adziny dzień prybirańnia terytoryj prapanujecca ŭvieści ŭžo na ŭzroŭni respubliki.
U samim Minsku da arhanizacyj užyvajuć patrabavańni nie prosta prybirać haradskija terytoryi, a mienavita ŭparadkoŭvać ich — pastaŭlać łavački, raźbivać kvietniki.
Pradstaŭnik Minharvykankoma taksama ŭdakładniŭ, što ŭ stalicy, jak i pa krainie, travu abaviazany kasić nie radziej za adzin raz u miesiac. Adnak kali z-za daždžoŭ vyšynia travy raniej za termin pieravysiła 20 santymietraŭ, to jaje abaviazany skasić.