BIEŁ Ł RUS

Siarhiej Cichanoŭski źbiraje kamandu

1.07.2025 / 10:1

Nashaniva.com

Vyzvaleny ź biełaruskaj turmy błohier Siarhiej Cichanoŭski zapisaŭ pieršy rolik na svaim kanale «Kraina dla žyćcia», jaki hety čas viali jaho paplečniki. Cichanoŭski abjaviŭ, što źbiraje kamandu. 

Siarhiej Cichanoŭski havoryć, što ŭ jaho šmat chto pytaje, jak možna dałučycca da kamandy i dapamahčy ŭ dasiahnieńni «hałoŭnaj mety — demakratyi ŭ Biełarusi».

«Ja płanuju natchnić i matyvavać biełarusaŭ za miažoj i ŭ samoj Biełarusi i ŭžo praz try tydni nanieści mocny ŭdar pa łukašyźmie i jaho prapahandzie. I vy ŭsie ŭbačycie vynik», — abiacaje jon. 

Jon raspavioŭ, što ŭ bližejšy čas budzie sustrakacca ź biełarusami ŭ roznych krainach i haradach ES, ZŠA i Kanady. «Kali vy chočacie, kab my z kamandaj pryjechali ŭ vaš horad abo krainu, pakińcie paviedamleńnie i padtrymajcie nas praz spasyłku pad videa na YouTube-kanale «Kraina dla žyćcia», — dadaŭ jon. 

@nashaniva Siarhiej Cichanoŭski źbiraje kamandu #biełaruś #stranadlažiźni #tichanovskij #sierhiejtichanovskij #tichanovskaja #našaniva #mova #minsk #briest ♬ Emotional Hopeful Epic Piano - DensoMusic

Cichanoŭski havoryć, što pravodzić sustrečy sa ŚMI i błohierami, apazicyjaj i strukturami hramadzianskaj supolnaści, kab abjadnać biełaruskija siły «dla adzinaha ŭdaru».

«Ludzi čakajuć ad mianie chutkich i efiektyŭnych dziejańniaŭ — i ja ich ździejśniu. Ale biez vašaj padtrymki heta niemahčyma. Kab źniščyć dyktaturu ŭ Biełarusi i finansavać kankretnyja kroki, kožny ź jakich moža stać vyrašalnym dla našaj pieramohi, mnie patrebna vaša dapamoha», — davodzić jon.

Čytajcie taksama:

Kamientary da artykuła