Pry pierasiačeńni biełaruska-polskaj miažy źbiehła koška. Jaje łavili z dapamohaj ciepłavizara
Ejr uciakła ad haspadaroŭ z aŭtobusa na biełaruska-polskaj miažy, paviedamlaje prajekt zooshans_by.
Koška Ejr źnikła pry pieravozcy − prosta na miažy ŭ rajonie punktaŭ propusku «Brest»—«Tarespal» učora a 4-j ranicy.
— Jana złamała pieranosku i vybiehła z aŭtobusa, − pisali haspadyni koški.
− Našy dziaŭčaty pajechali ŭ Brest, uziali ŭ arendu ciepłavizar. Abviešali ŭsiudy mnostva abjaŭ… — tak apisvajuć vałanciory ratavalnuju apieracyju.
Ejr znajšli ŭ poli.