Siarhiej Cichanoŭski pieradaŭ vitańnie čytačam «Našaj Nivy» i raskazaŭ, što maryć palepšyć svaju biełaruskuju movu
Siarhiej Cichanoŭski, jaki vyjšaŭ na volu 21 červienia, zapisaŭ videavitańnie admysłova dla čytačoŭ «Našaj Nivy». U im jon raskazaŭ pra svaju maru.
«Siońnia pračnuŭsia a šostaj ranicy, adrazu ŭ boj. Pracuju bieź pierapynku, źbiraju kamandu, rychtuju mocny ŭdar pa Łukašenku. Ale jość jašče adna meta — palepšyć maju biełaruskuju movu», — kaža Cichanoŭski.
Jon dadaje, što pa adukacyi jon fiłołah. Kaliści paŭtara hoda razmaŭlaŭ tolki pa-biełarusku. U turmie šmat čytaŭ.
«Naprykład, Uładzimira Karatkieviča: «Kałasy pad siarpom tvaim», «Dzikaje palavańnie karala Stacha». Ale asobnaje miesca zajmajuć knihi Paŭła Sieviarynca, majho paplečnika i nastaŭnika ŭ biełaruščynie i ŭ duchoŭnaści», — skazaŭ Cichanoŭski ŭ admysłova dla čytačoŭ «Našaj Nivy» zapisanym vitańni.
Jon zakončyŭ jaho słovami: «Vierym, možam, pieramožam! Žyvie Biełaruś!»