Piaskoŭ: Kiraŭnik SK Rasii i hienprakuror Azierbajdžana raźbirajucca z «prablemnymi pytańniami»
Kiraŭnik Śledčaha kamiteta Rasii i hienieralny prakuror Azierbajdžana raźbirajucca z «pytańniami, jakija bačacca prablemnymi», zajaviŭ pradstaŭnik Kramla Dźmitryj Piaskoŭ.
Zatrymańnie pradstaŭnikoŭ «Sputnika» ŭ Baku
Tak jon prakamientavaŭ situacyju z aryštami vychadcaŭ z Azierbajdžana ŭ Jekaciarynburhu i nastupnymi za imi aryštami rasijan u Baku, piša Bi-bi-si.
27 červienia ŭ Jekaciarynburhu prajšli zatrymańni padazravanych u datyčnaści da zabojstvaŭ u 2001-m, 2010-m i 2011 hadach, u vyniku jakich zahinuli dvoje čałaviek. Azierbajdžanskija ŭłady miarkujuć, što jany pamierli paśla źbićcia siłavikami.
30 červienia ŭ Baku pa abvinavačańni ŭ machlarstvie byli zatrymanyja dva supracoŭniki rasijskaha infarmahienctva «Sputnik Azierbajdžan», a 1 lipienia pad aryšt uziali vaśmiarych hramadzian Rasii pa abvinavačańni ŭ kibierzłačynstvach. U sudzie jany źjavilisia sa śladami źbićcia.
Piaskoŭ zajaviŭ, što ŭ Kramli «źviarnuli ŭvahu» na kadry z aryštavanymi napiaredadni rasijanami i paabiacaŭ, što Maskva budzie vykarystoŭvać «usie najaŭnyja srodki» dla ich abarony.
Čytajcie taksama:
Čamu znoŭ sapsavalisia adnosiny pamiž Rasijaj i Azierbajdžanam. Źjaŭlajucca detali spravy
Azierbajdžanskija ŚMI paviedamili pra zatrymańnie ŭ Baku dźviuch AZH, što składalisia z rasijanaŭ
U Azierbajdžanie pakazali, jak vyhladajuć zatrymanyja rasijanie. Jany mocna źbityja FOTY