Minabarony Ukrainy zapytała telefonnuju razmovu ź Pientahonam z-za paviedamleńniaŭ pra prypynieńnie pastavak uzbrajeńnia
U paviedamleńni viedamstva havorycca, što ŭkrainski bok «źviarnuŭ ŭvahu na paviedamleńni pra zatrymku pastavak» i vyśviatlaje aktualnuju infarmacyju ab hetym.
Sistema Patriot. Fota Czarek Sokołowski / AP
«Ukraina nie atrymlivała aficyjnych paviedamleńniaŭ pra spynieńnie abo pierahlad hrafikaŭ pastavak uzhodnienaj abaronnaj dapamohi, tamu zychodzim z faktyčnych danych i praviarajem detali pa kožnym elemiencie ŭ pastaŭkach», — zajavili ŭ Ministerstvie abarony Ukrainy, adznačyŭšy, što zaprasili razmovu z kalehami z ZŠA «dla dadatkovaha ŭdakładnieńnia detalaŭ».
Raniej vydańnie Politico paviedamiła, što ZŠA jašče na pačatku červienia vyrašyli prypynić pastaŭki zienitnych rakiet i «niekatorych inšych vysokadakładnych bojeprypasaŭ» va Ukrainu, pastaŭki spynilisia tolki ciapier. Pa danych NBC News, siarod inšaha ZŠA prypynili pastaŭki rakiet dla Patriot z-za aściaroh z nahody zapasaŭ bojeprypasaŭ u amierykanskaj armii.